في الفترة الأخيرة ظهرت مشكلة سخيفة في “فيسبوك” وهي أنك فجأة تلاقي نفسك عامل “لايك” أو “مُتابعة” لصفحات غريبة
والسبب في كده هو موضوع دمج الصفحات والمُتابعين واللي ناس كتير بتلجأ له وبيكون عامل عشرات الصفحات أو بيشتري صفحات وبعد كده يدمجهم
الطريقة الاولي لحل مشكلة صفحات Facebook
الحل دلوقتي أنك تدخل حسابك الشخصي وتدوس على القائمة الجانبية من الـ3 نقط
بعدها تختار Activity Log
بعدها Page Likes
وهتشوف الصفحات اللي أنت عاملها “لايك” وأي صفحة غريبة دوس عليها واعمل Unlike.
الطريقة الثانية لحل مشكلة صفحات فيس بوك
حل ظهور صفحات Facebook و الستوريز الخارجة الي بتظهر و تدخل علي البيدج تلاقي انك عاملها متابعة علي الفيس بوك
🟥 مبدئيا الموضوع ملوش علاقة بأنك كنت عامل لايك لبيدج قديمة و غيرت اسمها او محتواها ولا انك عامل لايك و انت مش واخد بالك انا دخلت علي ال activity log لقيت نفسي عامل لايك لاكتر من ٥٠ بيدج كل يوم بما فيهم اليوم الي فتحت فيه ال log و الي هو طبعا محلصلش
🟥 الي بيحصل ده نتيجة حاجه من اتنين
١. اما تطبيق او موقع او اي third party انت مديله حق دخول للفيسبوك او سجلت دخول فيه عن طريق الفيسبوك (لعبه بقي برنامج او ايا يكن)
٢. ان تكون انت كنت مدي ال access token لموقع ما و هو بيستخدمه انه يلم لايكات للبيدجات دي (غالبا الموقع ده هو الموقع الي بتخشله عشان تزود اللايكات زي ال autoliker و خلافه)
🟩 الحل علي خطوتين خطوه لكل احتمال من الاحتمالين الي فوق
١. هتدوس علي التلت شرط الي جنب اسمك في ال home page
ثم settings and privacy
ثم settings
ثم apps and websites
و هنا هيبقي عندك حل من الاتنين الحل الانجز انك تعمل turn off
و ده هيقفل كل التطبيقات الي ليها حق الدخول علي الفيسبوك
التاني انك تشيل تطبيق تكبيق من القايمة بحيث تشيل الي انت مش عارفه و تسيب الي انت محتاجة فعلا و متاكد من مصدرة
٢. بالنسبة لمشكلة ال access token الحل انك هتعمل تعطيل مؤقت temporary deactivate لحسابك علي الفيسبوك طبعا ده غير انك تحذف الاكونت بتاعك تماما و ده عن طريق
هتدوس التلت شرط ثم
Settings and privacy
Personal and account information
Account ownership
Deactivation and deletion
Deactivate account,, continue to deactivate account
هتدخل ال password
و لو سألك هتقولي it’s temporary I’ll come back
هتقفل الاكونت كام ساعه ممكن يوم مثلا الحركة دي بتاعة قفل الحساب و اعادة تفعيلة بتغير ال access token
كده انت في السليم يتبقي تخش علي ال activity log و تشيل كل الصفحات الي عملتلها لايك
